e-District-CEG

Government of Karnataka

GOK > e-District > kannada
Last modified at 15/03/2016 17:28 by System Account

ಪರಿಚಯ

ಇ-ಜಿಲ್ಲೆಯು ರಾಷ್ಟ್ರೀಯ ಇ-ಆಡಳಿತ ನೀತಿಯಡಿಯಲ್ಲಿನ (NeGP) 31 ಧ್ಯೇಯಾಧಾರಿತ ಯೋಜನೆಗಳಲ್ಲಿ (ಮಿಷನ್ ಮೋಡ್ ಪ್ರಾಜೆಕ್ಟ್ಸ್ - MMP), ಕೇಂದ್ರ ಸರ್ಕಾರದ (GOI) ಮಾಹಿತಿ ತಂತ್ರಜ್ಞಾನ ಇಲಾಖೆಯ(DIT) ಒಂದಾಗಿರುವ ಯೋಜನೆಯಾಗಿದ್ದು, ಸಿ.ಇ.ಜಿಯು ನೋಡಲ್ ಇಲಾಖೆಯಾಗಿದ್ದು, ರಾಜ್ಯ ಸರ್ಕಾರದಿಂದ ಅಥವಾ ಅವರಿಂದ ನಿಯೋಜಿಸಲ್ಪಟ್ಟ ಸಂಸ್ಥೆಗಳಿಂದ ಜಾರಿಗೊಳಿಸಬೇಕಾದ ಯೋಜನೆಯಾಗಿರುತ್ತದೆ.  ಈ ಯೋಜನೆಯು ರಾಜ್ಯದ ಜಿಲ್ಲಾಡಳಿತವನ್ನು ಬಲವರ್ಧಿಸುವ ಉದ್ದೇಶದಿಂದ ಆಯ್ದ ನಾಗರೀಕ ಸೇವೆಗಳನ್ನು ಕೇಂದ್ರೀಕೃತ ತಂತ್ರಾಂಶ ಅನ್ವಯಿಕೆಯ ಮೂಲಕ ಒದಗಿಸುತ್ತಿದೆ. ಈ ಹಿನ್ನೆಲೆಯಲ್ಲಿ ಇಲಾಖಾ ಸಿಬ್ಬಂದಿಗಳಿಗೆ ತರಬೇತಿಯನ್ನೂ ಸಂಘಟಿಸುತ್ತದೆ.


ಕರ್ನಾಟಕದ ಇ-ಜಿಲ್ಲಾ ಯೋಜನೆಯಡಿಯಲ್ಲಿ, ನಾಗರೀಕ ಸೇವೆಗಳ ವಿದ್ಯುನ್ಮಾನ ವಿತರಣಾ ನಿರ್ದೇಶನಾಲಯವು (ಇಡಿಸಿಎಸ್ ಡೈರೆಕ್ಟೊರೇಟ್) ಈಗಾಗಲೇ ಬೇರೆ ಬೇರೆ ಇಲಾಖೆಗಳಲ್ಲಿ ಹಮ್ಮಿಕೊಂಡಿರುವ ನಾಗರೀಕರ ಕೇಂದ್ರಿತ ಸೇವೆಗಳನ್ನು ಗುರುತಿಸಿ, ಪ್ರತಿಯೊಂದು ಸೇವೆಯ ‘ಕಾರ್ಯೋನ್ಮುಖ ಅಗತ್ಯಗಳ ವಿಶಿಷ್ಟತೆಗಳು’ (Functional Requirement Specification – FRS) ಹಾಗೂ ‘ಔದ್ಯಮಿಕ ಪ್ರಕ್ರಿಯೆಗಳ ಮರುಮಾರ್ಪಾಡು’ (Business Process Re-engineering – BPR) ಗಳೇ ಮುಂತಾದ ಬೇಕಾದ ದಾಖಲುಗಳನ್ನು ತಯಾರಿಸಿದೆ. ಈ ಯೋಜನೆಯಡಿಯಲ್ಲಿ ಸಾಮಾನ್ಯ ಅನ್ವಯಿಕ ವೇದಿಕೆಯೊಂದನ್ನು ಸೃಜಿಸಲು ಉದ್ದೇಶಿಸಿದ್ದು, ಇದನ್ನು ಕರ್ನಾಟಕ ರಾಜ್ಯ ದತ್ತಾಂಶ ಕೇಂದ್ರದಲ್ಲಿ ಏಕೀಕೃತವಾಗಿ ಶೇಖರಿಸಲಾಗುವುದು.

 

ಇ-ಜಿಲ್ಲಾ ಯೋಜನೆಯಡಿಯಲ್ಲಿ ಅಭಿವೃದ್ಧಿ ಪಡಿಸಿದ ಸೇವೆಗಳನ್ನು ವಿವಿಧ ವಿತರಣಾ ವಾಹಿನಿಗಳ ಮೂಲಕ ವಿತರಿಸಲಾಗುತ್ತದೆ,


  • ಇ-ಜಿಲ್ಲಾ ಜಾಲತಾಣದ ಮೂಲಕ ನಾಗರೀಕರು ನೋಂದಾಯಿತ ಬಳಕೆದಾರರಾಗಿ ನೇರವಾಗಿ ಒಳಹೊಕ್ಕುವಂಥದ್ದು
  • ಪ್ರಸ್ತುತವಿರುವ ಅಟಲ್ ಜನಸ್ನೇಹಿ ಕೇಂದ್ರಗಳು/ ಬೆಂಗಳೂರು ಒನ್/ಕರ್ನಾಟಕ ಒನ್ ಸೇವಾ ಕೇಂದ್ರಗಳ ಮೂಲಕ
  • ಸಾಮಾನ್ಯ ಸೇವಾ ಕೇಂದ್ರಗಳ ಮೂಲಕ (ಗ್ರಾಮ ಪಂಚಾಯಿತಿ ಮಟ್ಟದವರೆವಿಗೂ ಸ್ಥಾಪಿಸಬೇಕಿದೆ)

 

ಎಲ್ಲಾ ಗುರುತಿಸಿರುವ ಸೇವೆಗಳಿಗೂ ಸೇವಾ ಕೋರಿಕೆಯ ಪ್ರಕ್ರಿಯೆಯು ಇ-ಜಿಲ್ಲಾ ಅನ್ವಯಿಕದ (back-end application) ಮೂಲಕ ಆಗುತ್ತದೆ.  ನಾಗರೀಕ ಸೇವೆಗಳನ್ನು ಒದಗಿಸುತ್ತಿರುವ ಇತರ ಇಲಾಖೆಗಳ ಅನ್ವಯಿಕಗಳೊಡನೆಯೂ ಇ-ಜಿಲ್ಲಾ ವೇದಿಕೆಯನ್ನು ಸಮಗ್ರಗೊಳಸಲಾಗುತ್ತದೆ.

Designed and Developed by: e-District-CEG, Government of Karnataka

Disclaimer: Please note that this page also provides links to the websites / web pages of Govt. Ministries/Departments/Organisations. The content of these websites are owned by the respective organisations and they may be contacted for any further information or suggestion.

Designed and Developed by: Center for e-Governance Government of Karnataka

©2016, All Rights Reserved.

india-gov-logo
pm india
CM Karnataka logo
nic logo
Top